Na zona de San Xián puxemos en marcha un proxecto experimental cun rebaño de cabras co obxectivo de manter controlada unha área do monte especialmente difícil de xestionar. Grazas ao seu pastoreo, estas cabras axudan a limpar o terreo e a reducir o risco de incendios, ao mesmo tempo que permiten obter un aproveitamento económico sostible.
A través deste sistema, buscamos rendibilizar a xestión do monte mediante a comercialización de cabritos e abono natural, combinando o coidado do medio ambiente cunha actividade produtiva responsable e respectuosa coa natureza.
